Siglir tar il cuntegn
cuntegn

Svizra Amnesty crititgescha politica d'asil svizra

Amnesty International crititgescha co las autoritads svizras tractan requirents d'asil al cunfin cun l'Italia. L'organisaziun per ils dretgs umans renfatscha a las guardias da cunfin ch'ellas hajan impedì numerus fugitivs da dumandar per asil. Quai scriva Amnesty International en ses rapport annual.

la guardia da cunfin controllescha l'auto d'in um
Legenda: Amnesty International crititgescha la moda e maniera da las controllas svizras. Keystone

L'onn passà sajan pliras milli persunas vegnidas tramessas enavos en l'Italia senza avair pudì inoltrar la dumonda d'asil. Tranter questas persunas sajan er plirs tschients minorens betg accumpagnads che hajan vulì ir tar lur commembers da famiglia en la Svizra. AI crititgescha era las controllas da polizia ch'èn motivadas etnicamain.

«La moda e maniera che las autoritads svizras fetschian las controllas al cunfin, possia starmentar las persunas da cuntanscher la Svizra», uschia resumescha Denise Graf, la coordinatura da la secziun svizra d'Amnesty, las retschertgas.

Laud datti per la cussegliaziun giuridica gratuita per fugitivs che la Svizra ha introducì cun la nova lescha d'asil. E tenor la lescha stoppian las autoritads uss tractar auter requirents d'asil che hajan in spezial basegn da protecziun.

RR novitads 06:00