Adattar ils endrizs a las novas bancnotas
Cunquai che las novas bancnotas èn in zichel pli pitschnas, ston las bancas er installar chaschuttas pli pitschnas.
Uschia sto per exempel la Raiffeisen far quai tar lur passa 1’600 bancomats en Svizra. Ils midaments custan, tut tenor model da bancomat, tranter 175 e 450 francs. Per adattar tut ils bancomats dovran las bancas trais fin tschintg dis.
audio
Saira: Novas bancnotas - quella da 50 na datti betg pli al bancomat
ord Actualitad dals 24.03.2016.
laschar ir. Durada: 1 minuta 7 Secundas.
Ils ins fan avant, ils auters suenter
La PostFinance ed er la Raiffeisen midan lur apparats pir suenter che las novas notas èn introducidas, vul dir suenter ils 12 d’avrigl. Uschia èn ils bancomats mo durant in tschert temp senza notas da 50. La banca Valiant per exempel mida gia ussa sin las novas notas ed ha uschia fin ils 12 d’avrigl naginas bancnotas da 50 che vegnan or dal bancomat.