Siglir tar il cuntegn
cuntegn

Svizra Alpiq scriva danovamain cifras cotschnas

Il concern d’energia perda il 2015 803 milliuns francs. Gia il 2014 aveva Alpiq scrit ina perdita dad 902 milliuns francs. En pli annunzia Alpiq sin sia pagina dad internet, da vulair avrir ses portfolio da forza da l’aua.

Vista en l'intern dad ina ovra idraulica.
Legenda: Quitads cun l'energia idraulica - Alpiq scriva danovamain cifras cotschnas. Keystone

Las circumstanzas sin il martgà d’energia sajan «ordvart provocantas» e pretendan mesiras structuralas, scriva Alpiq. Perquai annunzia il concern d’energia da vulair vender fin a 49% da ses portfolio da forza da l’aua. Alpiq scriva vinavant, ch’acziunaris svizzers principals hajan gia annunzià lur interess.

Quai è mo ina da differentas mesiras cun las qualas ch'Alpiq vul restar fit per il martgà da chapital.

RR novitads 08:00