Siglir tar il cuntegn

Svizra Alpiq para puspè da sa revegnir

La perdita tar il concern d'energia è marcantamain pli pitschna ch'anc l'onn passà. Las restructuraziuns paran da purtar ils emprims fritg. L'emprim mez onn 2016 ha il concern pudì sminuir considerablamain la perdita sin 2 milliuns francs.

Il logo da la firma.
Legenda: La perdita tar il concern d'energia è marcantamain pli pitschna ch'anc l'onn passà. Keystone

L'emprim mez onn 2015 aveva Alpiq anc stuì nudar in minus da 886 milliuns. La svieuta saja però sa reducida vinavant: Quai per 8,6% sin 3 milliardas francs, communitgescha Alpiq.

La vendita da las atgnas ovras electricas avanzia tenor plan. L'emprima fasa d'offerta saja terminada. Il mars 2015 aveva Alpiq annunzià da vender la mesadad da sias participaziuns vid ovras electricas.

RR novitads 09:00