Siglir tar il cuntegn

Header

Telefonin che lega cun il scanner.
Legenda: Ina carta d'identitad digitala E-ID duai vegnir edida dal stadi. Da quest avis è in'allianza che rimna ussa suttascripziuns. La lescha duai far naufragi a l'urna. Keystone
cuntegn

Allianza rimna suttascripziuns Lescha davart l'identitad digitala duai far naufragi

La Confederaziun na duai betg be renconuscher E-ID mabain era edir ella. Quai pretenda in'allianza tranter la societad digitala e la plattafurma We Collect che ha uss cumenzà a rimnar suttascripziuns per in referendum.

Per che la lescha davart l'identitad digitala E-ID fetschia naufragi a l'urna, rimna in'allianza cun la societad digitala e la plattafurma We Collect a partir dad immediat suttascripziuns. La lescha vul reglar il diever dad E-ID per fatschentas online e contacts cun las autoritads.

Il parlament aveva sancziunà la lescha la sessiun d'atun passada. Crap da stgarpitsch è la repartiziun da las incumbensas tranter stadi ed economia. Il stadi examinescha e conferma l'identitad d'ina persuna. Edida vegn l'E-ID dentant da purschiders privats uschenumnads providers d'identity.

Resultats retschertga

Tenor ina retschertga, ch'è vegnida realisada sin il start da la rimada da las suttascripziuns, n'ha ina schliaziun privata nagina schanza. Uschia sco Confederaziun e parlament avevan proponì. 82% da las persunas dumandadas vulan che la E-ID vegn edida dal stadi, be 1,7% èn da l'avis ch'ina schliaziun privata saja da favurisar.

Ord l'archiv

Cun in'identitad digitala ch'è renconuschida dal stadi, duessi esser pussaivel d'esser activ en la rait a moda segira.

RR novitads 12:00