Siglir tar il cuntegn
Inhalt

Svizra Alexander Tschäppat è mort cun 66 onns

L'anteriur president da la citad da Berna e cusseglier naziunal da la PS è mort suenter greva malsogna.

Alexander Tschäppat.
Legenda: Alexander Tschäppat. Keystone

A Berna è mort il venderdi l'anteriur president da la citad Alexander Tschäppat en la vegliadetgna da 66 onns. Il socialdemocrat da 66 onns saja mort en consequenza da cancer, ha communitgà la citad da Berna.

Politicher popular che polarisava

Cun Alexander Tschäppat perda Berna in carismaticher, ch'era datiers al pievel – in politicher popular ed a medem temp polarisant. Da ses adversaris vegneva el savens numnà «cüpli-socialist». Ses aderents percunter stimavan el per ses umor e ses sentiment politic.

Plazza federala e campiunadi europeic da ballape

Dal 2005 fin il 2016 è l'advocat stà president da la citad da Berna. Sin palancà federal è Tschäppät sesi en il Cussegl naziunal dal 1991 fin il 2003 e lura puspè dal 2011 fin tar sia mort.

Sco president da Berna ha el surtut survegnì arbagias per transfurmar la plazza federala, per il campiunadi europeic da ballape il 20008, per il baldachin sur la plazza da la staziun ubain er per il Center Paul Klee.

RR novitads 11:00