Siglir tar il cuntegn

Svizra Albert Rösti dirigia da nov la PPS

Er tar la PPS n'hai dà naginas surpraisas - Albert Rösti è elegì sco nov president da la partida.

Toni Brunner gratulescha ad Albert Rösti
Legenda: Toni Brunner gratulescha ad Albert Rösti Keystone

A la radunanza da delegads a Langenthal ha la Partida populara svizra elegì il bernais Albert Rösti sco successur da Toni Brunner. Oskar Freysinger resta vice-president e da nov èn elegids Thomas Aeschi e Céline Amaudruz en il vice-presidi.

Toni Brunner è cuntent

Er Toni Brunner ha discurrì da buns 8 onns. El haja surpiglià la PPS en in temp turbulent. Suenter che Christoph Blocher n'eri betg vegnì reelegì en il Cussegl federal haja dà ina spartiziun da la partida. Quai saja stà ina greva situaziun per la PPS. La partida saja stada savens suletta ils ultims 8 onns. Ella haja dentant pudì festivar numerus success sco per exempel l'iniziativa d'immigraziun ubain l'iniziativa per il repatriament. En il futur giavischa Brunner che la PPS possia collavurar pli stretg cun autras partidas burgaisas.

RR novitads 16:00