Alain Berset ha ditg en la NZZ am Sonntag ch'el na saja betg ina da quellas persunas tgi crajan ch' dettia bain dalunga ina buna schliaziun cun Brüssel. Actualmain discuteschia il Cussegl federal anc davart sia posiziun tar las contractivas cun l'Uniun europeica.
Berset fa attent ch'i haja il 2017 dà ina midada en il departament da l'exteriur. Il nov responsabel Ignazio Cassis haja dentant cumenzà bain ses uffizi e presentia «en il proxim temp» propostas per il futur da la politica europeica. Sin il giavisch da Brüssel da chattar ina svelta soluziun respunda l'um dal departament da l'intern dentant che la Svizra na sa laschia betg metter sut squitsch.
Nagin inscunter al WEF
In inscunter tranter ils Cussegliers federals ed impurtants represchentants da l'Uniun europeica sco il schef da cumissiun Jean-Claude Juncker u il president franzos Emanuel Macron n'èn betg planisà. Per Berset nagin motiv da vegnir gnervus: La politica svizra areguard l'Uniun europeica na vegnia betg fatga a Tavau.
RR novitads 10:00