Siglir tar il cuntegn

Header

video
Berset: Panica ed agitaziun na portan nagut
Or da News-Clip dals 26.10.2020.
laschar ir. Durada: 20 Secundas.
cuntegn

Alain Berset «Mesiras duain valair a lunga vista»

Il cusseglier federal Alain Berset ha suenter ina visita a l'Ospital universitar a Losanna danovamain giuditgà la situaziun da corona sco critica. La situaziun sa pigiureschia di per di ha ditg Berset avant las medias. Ins saja vidlonder da preparar ulteriuras mesiras. Questas mesiras vegnan probabel a durar fitg ditg, ha ditg il minister da sanadad. Perquai saja impurtant ch'ellas vegnian coordinadas bain cun ils chantuns. Panica ed alteraziun na portian pauc en questa situaziun.

Nus decidain la mesemna per las proximas emnas e mais.
Autur: Alain Berset cusseglier federal

Mesemna vul il Cussegl federal infurmar davart reglas pli severas.

17'440 novas infecziuns aifer 72 uras

En Svizra ed il Principadi da Liechtenstein han ins annunzià al BAG aifer 72 uras 17'440 novas infecziuns dal coronavirus. Vitiers ha l'Uffizi federal da sanadad registrà 37 novs mortoris e 259 novas entradas en l'ospital. Glindesdi avant in'emna eri 8'737 infecziuns ed avant duas emnas 4'068.

Il Grischun ha nudà la dumengia 48 novas infecziuns, passa milli persunas èn en quarantina e 442 en isolaziun.

RTR novitads 14:00

Artitgels legids il pli savens