Siglir tar il cuntegn
cuntegn

Svizra Air-Glaciers ha 1 milliun francs daivets

L'interpresa da helicopters Air-Glaciers ha gronds daivets. Il manaschi sto anc pajar 1 milliun francs per cherosin.

In helicopter d'Air-Glaciers.
Legenda: En il cas che Air-Glaciers na paja betg ils daivets restan ils helicopters probablamain sin terra. Keystone

Ils daivets sto Air-Glaciers pajar a la citad da Sion ch'è possessura da la plazza aviatica, nua ch'il cherosin vegn vendì. La citad da Sion smanatscha ad Air-Glaciers cun ina procedura da concurs.

Il president da Sion, Marcel Maurer, ha dentant ditg che l’interpresa saja anc lunsch davent d’ina tala procedura.

Daivets n’èn nagina novitad

Ils daivets na sajan tenor Maurer nagina novitad. Gia pli baud haja Air-Glaciers gì miserias finanzialas, per las qualas ins n’haja dentant betg chattà soluziuns. En il cas d’in pajament vegnia la procedura immediat retegnida.

RR novitads 18:00