Siglir tar il cuntegn
Inhalt

Svizra Agid svizzer cunter ils fieus en Portugal

En pliras regiuns dal Portugal datti anc adina ferms incendis. La Svizra reagescha uss sin ina dumonda d’agid da las autoritads portugaisas e trametta trais helicopters e persunal sco agid per cumbatter ils fieus.

In helicopter da l'armada Svizra dal tip super puma en l'aria.
Legenda: La Svizra trametta trais helicopters en il Portugal per gidar da cumbatter ils fieus. Keystone

La Svizra sustegna il Portugal en il cumbat cunter ils ferms incendis en pliras regiuns dal pajais. Trais helicopters da l'armada dal tip Super Puma cun in'equipa da var 30 umens hajan bandunà oz la Svizra, scriva il Departament federal per fatgs auxiliars. L'emprima operaziun da stizzar saja planisada datiers da la citad Monte Real ch’è 120 kilometers en il nord da Lissabon.

Quest onn ha la Svizra gia purschì ina giada agid per stizzar fieus – il fanadur è quai stà il cas en il Montenegro.

RR novitads 14:00