La surveglianza per manaschis che stattan da manaivel a la Confederaziun duai vegnir rinforzada. Quai è ina da las mesiras ch'il Cussegl federal vul prender suenter l'affera da l'Auto da Posta. El suonda uschia a las recumandaziuns da la cumissiun da gestiun dal cussegl dals chantuns.
Plinavant duain las miras strategicas vegnir adattadas. Là è numnadamain fixà che La Posta duai segirar u augmentar la valur d'interpresa. Da nov duai vegnir menziunà ch'i na vegnia spetgà nagin gudogn en il traffic da persunas regiunal. Auto da Posta Svizra aveva retratg onns a la lunga memia autas subvenziuns.
Ord l'archiv:
En consequenza enturn l'affera tar l'AutoDaPosta SA ha il Grischun survegnì enavos stgars 20 milliuns francs da l'interpresa. Il Telesguard ha rapportà:
RTR novitads 12:00
