Siglir tar il cuntegn
cuntegn

Affera Daniel M. Servetsch d'infurmaziun duai avair cuntrafatg al dretg vertent

D'acceptar ch'in infurmant vegnia plazzà en l'administraziun tudestga na saja betg stà legitim.

Dus mauns ed ina CD.
Legenda: Tenor la delegaziun da la cumissiun da gestiun saja lubì da rimnar infurmaziuns, ma betg cun agid dad in infurmant plazzà. Keystone

La delegaziun da la cumissiun da gestiun dal Parlament federal rinfatscha al servetsch d'infurmaziun da la Confederaziun d'avair cuntrafatg a las leschas, quai en connex cun l'affera da spiunadi Daniel M. en Germania. Oz ha ella publitgà ses rapport.

En quest rapport ha la delegaziun reconstruì en detagl ils schabetgs che han manà a l'arrestaziun ed il november passà en Germania a la sentenzia da 22 mais praschun a cundiziun ed in chasti da 40'000 euros per il detectiv privat svizzer.

Betg respectà leschas vertentas

Il servetsch d’infurmaziun da la Confederaziun haja prendì en consideraziun che Daniel M. plazzeschia in infurmant, ina uschè numnada talpa, entaifer l’administraziun tudestga. Cun quai hajan ils responsabels violà dretg vertent, dian ils represchentants dal Parlament federal. Per la procuraziun d’infurmaziuns en Svizra ed en l’exteriur dettia numnadamain differentas prescripziuns.

La delegaziun da la cumissiun da gestiun pretenda perquai dal servetsch d’infurmaziun da la Confederaziun tranter auter ina meglra collavuraziun cun la Procura publica federala. Ultra da quai stoppia il servetsch esser il futur pli precaut tar la recrutaziun e la controlla da funtaunas sco Daniel M.

RR novitads 17:00