Siglir tar il cuntegn

Header

Navigaziun

Asilants en ina stanza
Legenda: Ils davos mais han cunzunt pli paucas persunas da l’Eritrea fatg ina dumonda d’asil. Keystone
cuntegn

Svizra Adina pli paucs spluntan per asil en Svizra

Las dumondas d’asil èn danovamain sa reducidas. Il mais d’october ha quai dà radund 2’100 dumondas, bun 4% pli pauc che anc il settember. Avant in onn avevi anc dà bunamain il dubel dumondas d’asil.

Surtut las dumondas d’asil da persunas ord l’Afghanistan èn sa sminuidas, ed era pli paucas persunas dal Irac e da la Siria han inoltrà dumondas d’asil en Svizra. Quai scriva il Secretariat da stadi per migraziun.

La ruta dal Balcan è serrada

Sco motiv pussaivel inditgescha il Secretariat da stadi per migraziun che la ruta dal Balcan è vegnida serrada il mars da quest onn. Ils mais avant eran bleras migrantas e blers migrants arrivads sin questa via en l’Europa.

Resposta positiva per mintga 6avla dumonda

Il Secretariat da stadi per migraziun ha reglà l’october 2’325 dumondas d’asil. Survegnì asil han var 400 persunas, e passa 500 han il status da persunas admessas provisoricamain. Enturn 700 persunas ha la Svizra tramess enavos, quai en emprima lingia en pajais che fan part da la cunvegna da Dublin.

RR novitads 11:00