Siglir tar il cuntegn
cuntegn

Svizra Adina dapli Svizzers sa scoleschan vinavant

L'onn passà è 63% da la populaziun svizra sa scolada vinavant – 5% dapli che l'onn 2011. Il perfecziunament professiunal datti cunzunt tar ils temas economia e lavur (30%), scienza e tecnica (20%) e sanadad (15.7%).

Umens durant ina furmaziun supplementara.
Legenda: Passa in terz da las persunas è motivà explicitamain pervi da la lavur (maletg d'archiv). Keystone

Bunamain la mesadad dals lavurers e lavureras vegn sustegnida da lur patruns per sa furmar vinavant. Lezs investeschan en media 0,8% da lur expensas da persunal en la furmaziun d'emploiads. Quai resulta d'ina evaluaziun da l'Uffizi federal da statistica.

Furmaziun supplementara per motivs da professiun

Passa in terz da las persunas che ha fatg part a furmaziuns supplementaras, ha fatg quai explicitamain per la lavur. 13,1% è stà motivà per raschuns privatas e 15,7% ha numnà ina cumbinaziun da motivs.

Pli auta la scolaziun – pli probabla è ina furmaziun supplementara

81% da persunas cun in certificat universitar sa scolescha vinavant. Dentant fan quai sulet 40% da persunas cun ina scolaziun obligatorica. Las cifras dal Uffizi federal da statistica mussan che l'integraziun sin il martgà da lavur ed il nivel da scolaziun stattan en ina relaziun positiva cun la participaziun a furmaziuns supplementaras.

RR novitads 11:00