Siglir tar il cuntegn

Svizra Adina dapli persunas tranter 55 e 64 onns han lavur

En Svizra crescha il dumber da las persunas activas tranter 55 e 64 onns. Quai mussa l'enquista davart la populaziun activa da l'Uffizi federal da statistica.

dunna pli veglia che lavura en fabrica
Legenda: Cunzunt il dumber da dunnas tranter 55 e 64 onns che han lavurà, è creschì ils davos 5 onns. Keystone

Tranter il 2010 ed il 2015 è la quota d'activitad da questa gruppa da vegliadetgna s'augmentà per passa 5%. L'onn passà per exempel han 76% da las persunas tranter 55 e 64 onns lavurà. Cunzun il dumber da dunnas è s'augmentà.

Er la media da vegliadetgna da las persunas che lavuran è s'augmentada ils davos 5 onns. Actualmain munta ella a 41,6 onns. L'enquista ha resguardà lavur pajada e betg pajada.

RR novitads 14:00