Siglir tar il cuntegn
Inhalt

Svizra Adina dapli persunas cun biografia da migraziun

La cumpart da persunas cun ina biografia da migraziun è er creschida l'onn 2017. 37,2% da la populaziun svizra sur 15 onns avevan il 2017 ragischs en l'exteriur, quai èn 0,4% dapli che l'onn 2016. Uschia ha communitgà l'Uffizi federal per statistica.

Pass svizzers, in franzos, in talian, in spagnol ed in tudestg.
Legenda: Mintga terza persuna cun biografia da migraziun ha gì il 2017 il pass svizzer. Keystone

Mintga terz da quella gruppa aveva tenor l'uffizi in pass svizzer, suandà dal pass talian, german e portugais.

Las persunas cun biografia da migraziun n'èn betg repartidas tuttina en las differenzas regiuns. En il chantun da Genevra munta la cumpart da persunas cun biografia da migraziun a 60%, en ils chantuns Sursilvania, Appenzell Dadens u Uri tar radund 20%.

RR novitads 12:00