Siglir tar il cuntegn
cuntegn

Svizra Adina dapli passagiers sgolan cun la Swiss

La societad aviatica Swiss ha transportà il 2016 en tut 16,5 milliuns passagiers. Uschia ha ella surpassà il record dal 2015 per 1,3%.

Vista ord la finiastra d'in aviun da la Swiss
Legenda: La Swiss sgola d’in record tar il proxim. Keystone

Cunzunt il mais da december ha la Swiss nudà dapli passagiers. Lura è il dumber da passagiers s’augmentà cumpareglià cun l’onn avant per 5,7%. Quai communitgescha la Swiss.

Betg il medem svilup positiv ha fatg l’occupaziun dals aviuns tar la Swiss. Il 2016 eran 81,3% da tuts ils sezs occupads, l’onn avant eran quai anc stads 83,4%. Las perditas noda la Swiss tant tar ils sgols intercontinentals sco era sin il martgà europeic.

Ina leva digren ha la Swiss nudà l’onn passà era tar il commerzi da vitgira. Il volumen da transportar vitgira ha la Swiss nizzegià ora il 2016 per 75,2%, 0,7 puncts procentuals damain ch’il 2015.

RR novitads 14:00