Il dumber dals medis en svizra è danovamain creschì l'onn passà. En tut èn stads activs 36’175 medis la fin dal 2016. Quai demussa la statistica da la Federaziun dals medis svizzers (FMH). Sin 1000 abitants dettia en media 4,2 medis.
Quai che dat en igl: Medis che lavuran en ina pratica, lavuran pli savens er anc vinavant suenter la pensiun. FMH suppona che quai saja d’attribuir al fatg ch'i saja grev da chattar in successur u ina successura.
Tenor la statistica crescha tant la cumpart da las dunnas sco era quella da medis cun in diplom da l'exteriur.
RR novitads 12:00
