Siglir tar il cuntegn
cuntegn

Svizra Adina dapli manaschis biologics

Il dumber da manaschis purils che lavuran tenor ils principis da Bio Suisse s'augmenta vinavant. L'onn passà èn 95 manaschis vegnids vidlonder uschia ch'i ha dà la fin dal 2014 en total bunamain 6'000 manaschis biologics.

2 giaglinas en in claus. Dasperas ina pitschna bandiera da Bio Suisse.
Legenda: La fin dal 2014 hai dà en Svizra bunamain 6’000 manaschis biologics. Keystone

Sco quai che Bio Suisse ha communitgà a sia conferenza da medias annuala elavurian ils manaschis biologics ussa gia passa 12% da l'entira surfatscha agricula en il pajais. Era s'augmentada è la svieuta totala dal martgà da bio. Quella ha cuntanschì l'onn passà 2,2 milliardas francs, in plus da 7,5%.

RR novitads 11.00