Siglir tar il cuntegn
Inhalt

Svizra Adina dapli infecziuns en ospitals

L'onn passà han ils ospitals nudà passa 12'000 infecziuns - 10 onns avant eran quai anc 6'500 cas. Quai rapporta la gasetta 'Schweiz am Sonntag' e sa basa sin cifras uffizialas.

Tgirunza en ina apoteca dal ospital.
Legenda: Scherms ch'èn resistents cunter antibiotica chaschunan custs supplementars da milliuns. Keystone

Tgi che surpiglia ils custs da questas infecziuns n'è tenor ils ospitals betg schlià bain. Ins parta da custs supplementars da fin a 200 milliuns francs ad onn. Bleras infecziuns mainan ad ina tissientada dal sang che pretenda in tractament serius.

Antibiotica senza efficacitad

La Societad svizra d’infecziologia schazegia che mintga onn var 300 persunas moran en Svizra d’ina infecziun tras scherms multi-resistents. En ils Stadis Unids da l’America èn quai per onn var 23’000 persunas. Tenor la regenza da la Gronda Britannia pudessi esser che dapli che 10 milliuns persunas moran fin l’onn 2050 tras scherms multi-resistents.

RR actualitad 09:00