Siglir tar il cuntegn
Inhalt

Svizra Adina dapli electricitad d'energia regenerabla

En Svizra deriva adina dapli electricitad d'energias regenerablas. Muntava questa cumpart avant 10 onns anc ad in terz era quai il 2013 gia passa la mesadad.

In lai da fermada.
Legenda: Passa la mesadad da l'energia regenerabla en Svizra deriva da forza idraulica. Keystone

Sco quai che l'Uffizi federal per energia communitgescha derivia la gronda part da l'energia d'implants idraulics, numnadamain 51%. Dapli electricitad derivia però er d'energia dal vent e dal sulegl. Qua hai da ils ultims 2 onns in augment da 2,2% sin 3,8%. Da resguardar è che na betg tut l’energia regenerabla deriva da la Svizra.

Fukuschima ha laschà fastizs

Che la dumonda suenter energias regenerablas crescha è tenor l'Uffizi federal per energia surtut d'attribuir a la catastrofa atomara a Fukushima l'onn 2011; la cumpart d’energia atomara è sa sbassada sin 30%.

RR novitads 14:00