Siglir tar il cuntegn
Inhalt

Svizra Adina dapli accidents cun e-bikes

En Svizra datti adina dapli accidents cun e-bikes. Quai mussan er las cifras dal chantun Son Gagl. Ils emprims trais quartals da l'onn è il dumber sa dublegià, communitgescha la polizia chantunala.

Duna che va cun in e-bikes tras la citad.
Legenda: Accidents cun e-bikes crescha. la polizia recumonda da purtar ina chapellina. Keystone

Ils emprims trais quartals da l'onn è il dumber d'accidents cun e-bikes en il chantun Son Gagl sa dublegià. L'onn 2016 hai dà en tut 18 accidents e fin il settember da quest onn gia 29 accidents cun e-bikes. Dus dals total 29 accidents èn stads mortals. Tar radund la mesadad dals accident na purtavian ils velocipedists nagina chapellina. Era sch'ins na sto betg tar tut ils e-bikes purtar ina chapellina recumonda la polizia urgentamain da tuttina purtar ina.

Dapli accidents en Svizra

En l'entira Svizra crescha il dumber d'accidents cun e-bikes gia dapi l'onn passà. Cumpareglià cun il 2015 è il dumber s'augmentà per 23%.

RR novitads 12:00