Siglir tar il cuntegn
Inhalt

Svizra Adina damain tancadis en Svizra

Il dumber da tancadis en Svizra sa reducescha vinavant. L'onn passà è la rait da tancadis sa sminuida per 2,4 % sin 3’461 tancadis. Era la vendita da carburant per tancadi sa reducescha dapi intgins onns, quai communitgescha l'associaziun da petroli.

Ina clienta è vi da tancar ses auto. Ins vesa il maun e la spina da tancar.
Legenda: Carmalar ils clients: tancadis cun uschenumnads shops vendan tenor statistica dapli carburant. Keystone

La pli gronda rait da tancadis possedan las interpresas d’Avia cun 604 staziuns, suandà d’Agrola (430), BP (361, Ruedi Rüssel (339) e Migrol (310).

Stizuns carmalan ils clients

In factur da concurrenza impurtant èn las stizuns da tancadi. L'onn passà han ils tancadis cun stizun contribuì bunamain trais quarts a l'entira vendita da carburant. La statistica actuala conferma era, ch'in tancadi cun ina stizun pli gronda po vender dapli carburant ch'in tancadi cun ina stizun pitschna.

Legenda:
Midament dal dumber da tancadis en Svizra RTR

Dasper il benzin pon clients er tancar diesel tar bunamain tuts tancadis. En media ha mintga tancadi vendì 1,41 milliuns liters carburant l’onn 2015. Il pli bler carburant è vegnì vendì – sco da spetgar – als tancadis d’autostrada.

RR novitads 12:00