Siglir tar il cuntegn

Header

audio
Coop prenda per il nas clientella cun acziun
Or da Actualitad dals 25.05.2022.
abspielen. Laufzeit 3 minutas 51 Sekunden.
cuntegn

Acziun da Coop «Prender per tuppa la glieud»

Tgi che rimna marcas da Coop, po da preschent profitar da rabats sin rauba dad outdoor: tendas, satgs da durmir e mattas cun rabats fin 60% pli bunmartgà. Ma profitescha la clientella propi? L’emissiun «Espresso» da SRF ha retschertgà.

I sa tractia da rauba dad autodoor da la marca Rewind, lauda Coop sia acziun. Ma questa marca exista uschiglio gnanca. Aposta per l’acziun da rabat ha Coop stgaffì la marca.

Rewind – aposta stgaffì per acziun

I saja usit da far acziuns cun marcas enconuschentas, di l’experta da marketing Adrienne Suvada dad Espresso. Quai carmaleschia la glieud da rimnar marcas per lura pudair cumprar ils products d'acziun. Ma ch’ina marca vegnia stgaffida aposta per ina tala acziun audia ella per l’emprima giada.

Sin l’emprima egliada paran talas purschidas da rabat favuraivlas, ma sch’ins guardia pli precis constateschian ins che la rauba è savens be da segunda qualitad cun si in’auta marscha. Sch’ins resguarda lura anc, ch’il client paja la finala era per las marcas da rabat, lura è la rauba a la fin dals quints plitost anc pli chara che products cun pretschs normals.

“Pseudo-acziun”

Critica recenta vegn da Cécile Thomi, giurista da la Fundaziun per protecziun da consuments: “Ins sto dir cler e net ch’ins prenda la glieud per tuppa cun ina tala pseudo-acziun.” Oravant tut clientella fidada che cumpra gia onns tar Coop dastga cun buna raschun sa sentir manada en er. Ella sa dumonda perquai sche questa pratica na cunterfetschia betg a l'UWG, la lescha cunter concurrenza illoiala.

Giuridicamain saja tut en urden constatescha Espresso suenter avair consultà il Secretariat dal stadi per economia (SECO). Là hai num: Uschèditg che Coop na fa betg amogna ils products da Rewind sulettamain cun rabats, mabain er per il pretsch ordinari, na cunterfetschia quai betg a l'UWG.

Coop s'exprima en scrit

Coop sez s’exprima be en scrit visavi Espresso dad SRF: Il producider saja s’orientà vi da la qualitad da rauba da marca cun sviluppar ils products dad outdoor Rewind. Uschia saja quai bainpussaivel da fixar pretschs e rabats.

RTR actualitad 12:00

Artitgels legids il pli savens

Scrollar a sanestra Scrollar a dretga