Siglir tar il cuntegn
Inhalt

Svizra Acziun d'anti terror en il chantun Tessin

En il chantun Tessin èn vegnidas intercurridas pliras abitaziuns ed ina moschea. E tar duas acziuns d’anti terror è ina persuna vegnida arrestada.

Dus policists che arrestan ina persuna.
Legenda: Ina persuna è vegnida arresta en il chantun Tessin tar duas acziuns d’anti terror (maletg d'archiv) Keystone

Pervia dal suspect da la recrutaziun per organisaziun scumandadas sco Al quaida e il stadi islamic è en il chantun Tessin tar duas acziuns d’anti terror ina persuna vegnida arrestada. Quai scriva la procura publica federala. En tut sajan vegnidas intercurridas pliras abitaziuns ed ina moschea.

Las acziuns sajan vegnidas instradadas tras in’inquisiziun da la procura publica federala e tras in’inquisiziun dal chantun Tessin. Perquai ch’i dettia in tschert connex tranter las duas inquisiziuns sajan las acziuns stadas coordinadas, scriva la procura publica federala.

RR novitads 16:00