Siglir tar il cuntegn

Header

cuntegn

Svizra Actura Trudi Roth morta

L'actura svizra Trudi Roth è morta en la vegliadetgna da 86 onns. Conuschenta è Roth vegnida cun la rolla da l’onda Martha en la seria «Fascht a Familie».

A blers aspectaturs da televisiun era Trudi Roth enconuschenta ord la seria dals onns 90 «Fascht e Familie». Uss è ella morta en la vegliadetgna da 86 onns, communitgescha sia famiglia a la «Tagesschau» da la televisiun SRF. Roth è gia morta la notg sin la sonda.

Activa en la televisiun ed il radio

Trudi Roth ha visità la scola e la scola d’acturs a Basilea. Suenter è ella stada activa cun ils Cabarets Kikeriki, Conrnichon e Fédéral. Pli tard ha ella giugà en plirs musicals ed en cumedias. Roth ha era fatg tocs auditivs per il radio e per la televisiun. La pli conuschenta rolla era quella da l'onda Marta ch'aveva fundà ina cuminanza d'abitar en sia chasa.

RR novitads 06:00

Artitgels legids il pli savens