Siglir tar il cuntegn

Svizra Accusa cunter Flixbus

Il purschider da viadis cun bus tudestg Flixbus sto sa responsar avant l'uffizi federal per il traffic en Svizra. Cunter l'interpresa tudestga è vegnida averta ina procedura.

Differents bus sin il parcadi a Turitg.
Legenda: Conjunctura auta - suenter las chaumas dals locomotovistst tudestgs han ils bus sin trajects lungs suczess, sco qua davent da Turitg. Keystone

Flixbus porscha viadis da Turitg via Basilea tar l'eroport da Basilea-Mülhausen. Ils passagiers da Turitg pon però er gia sortir a Basilea - malgrà ch'els han in ticket fin tar la vart franzosa da l'eroport.

Quai scumonda dentant ina cunvegna da traffic cun l’Uniun europeica. En il uschenumnà «scumond da cabotascha» vegn fixà che bus da l’exteriur na dastgan betg concurrenzar bus svizzers en transportond passagiers d'in lieu svizzer a l’auter.

La licenza per lingias da bus sin distanza vegn data da l’uffizi federal per il traffic. Flixbus è ina interpresa da differentas che porschan viadis sin trajects lungs davent da la Svizra.

RR novitads 17:00