Siglir tar il cuntegn

Svizra Accidents sin pista daventan adina pli grevs

Sin las pistas svizras datti mintg'onn passa 54'000 accidents: Quai mussa in studi dal post da cussegliaziun per la prevenziun d'accidents BFU. La tendenza crescha.

Accident sin pista.
Legenda: Accidents da skis custan mintg'onn 600 milliuns. Keystone

In chirurg da l'ospital chantunal a Cuira ha confermà envers la «SonntagsZeitung» ch'ils accidents daventian adina pli grevs. Grev-blessadas sajan entant quasi daventads il cas normal.

Custs èn creschids

L'assicuranza d'accidents SUVA discurra d'in augment da 50% dapi il 2000. Da las 2,5 milliardas francs ch'ils accidents da sport custan mintg'onn han l'onn 2013 quels sin pista fatg ora 650 milliuns, ina cifra surproporziunala. La gronda part han ils accidents da skis fatg ora cun 583,5 milliuns, quels da snowboard han custà radund 70 milliuns.

Cumparegliaziun accidents snowboard / skis

Il 2013 ha en media in singul accident da snowboard custà 5'392.-- francs ed in da skis 10'472.-- francs.

  • chau/culiez: snowboard 15% - skis 16%
  • bratsch sut/maun: snowboard 31% - skis 12%
  • schanugl: snowboard 10% - skis 34 %
  • ventrigl/giarlet/pe: snowboard 10% - skis 16%

Uschia daventan er adina dapli segiradas activas, quai cun examinar ils lieus d'accidents tut tenor en consultaziun da procurautras publics u era cllavuraturs da las pendicularas.

RR novitads 10:00