Siglir tar il cuntegn
Inhalt

Svizra Accidents e retards pervia da la naiv

Tgi ch’è stà oz a bun'ura da viadi cun l’auto en la Bassa ha duvrà blera pazienza. Sin pliras autostradas hai dà lungas colonnas pervia da la naiv sin via. Impediments da traffic hai però er dà sin las vias principalas – intginas han stuì vegnir serradas.

Aviun en la naiv a l'eroport da Turitg.
Legenda: Er a l'eroport da Turitg hai dà retards pervia da la naiv. Plirs sgols èn vegnids stritgads. Keystone

Tar la polizia dal chantun Argovia hai tranter auter dà 20 annunzias d’accidents, en il chantun Berna schizunt 30. Tar ils blers hai però be da donns da carossaria.

Retards ed annullaziuns a l'eroport

A l’eroport da Turitg hai per part dà retards. Radund 75% dals sgols han gì passa 15 minutas retard, sco quai che l’eroport ha communitgà. Passa 30 sgols han stuì vegnir stritgads.

RR novitads 12:00