Svizra - Accidents da sport da naiv custan adina dapli
Ils accidents da sport da naiv vegnan adina pli chars. Ils davos 15 onns èn ils custs tar accidents da sport da naiv s'augmentads per duas terzas - sin bunamain 300 milliuns francs l'onn.
Dapi l'onn 2000 èn ils custs s'augmentads per 66% sin 298 milliuns francs. Las assicuranzas d'accidents han registrà 36'800 accidents. Cumpareglià cun pli baud han adina dapli persunas pli veglias accidents. Quai scriva la Suva, l'Institut svizzer da las assicuranza d'accidents. Las blessuras da glieud pli veglia èn savens pli cumplitgadas ed uschia custa il tractament dapli.
