Siglir tar il cuntegn

Header

cuntegn

Svizra Accident tren da vitgira - chemicalias èn culadas ora

En il chantun Vad è in tren da vitgira ì sur ils binaris ora sin il traject dad Eclépens e Cossonay-Penthalaz. Sco quai che la Viafier federala communitgescha, n'haja quai dà nagins blessads. Tar l'accident èn dentant culadas ora chemicalias.

L'accident saja capità la notg curt avant las 3. Il tren cun chargia privlusa saja stà da viadi a Losanna cura che 6 vaguns sajan sviads per raschuns anc betg enconuschentas.

25 tonnas acid sulfuric èn culadas ora

Tar l’accident da tren da rauba en il Vad da la notg passada èn culadas ora chemicalias. Sco ch’il directur dal departament d’ambient dal chantun Vad, Sylvain Rodriguez ha confermà, sajan radund 25 tonnas acid sulfuric culadas ora.

La populaziun n’era mai en privel, ha sincera Rodriguez. La situaziun dals flums e da l’aua na saja il mument betg alarmanta, ha ditg il directur dal departament d’ambient dal Vad.

Impediments da traffic

L'accident ha manà ad impediments tar il traffic da viafier en la Svizra franzosa. Ils trens da TGV circulavan be fin Frasne en Frantscha e n’èn betg vegnids manads fin en Svizra. Differents trens dad Intercity èn vegnids sviads sur Berna.

RR novitads 11:00

Artitgels legids il pli savens