Siglir tar il cuntegn

Header

cuntegn

Svizra Accident mortal al Matterhorn

Al Matterhorn en il Vallais è in alpinist da l'exteriur mort ier en damaun. Quai suenter ch'el è crudà ord raschuns anc nunenconuschentas.

L'um era il davos d'ina squadra da suga da trais persunas. Sin in'autezza da 3'800 meters sur mar è el crudà. Cun la suga da segirezza han ils collegas pudì retegnair l'um. Las forzas da salvament ch'èn vegnidas alarmadas, hajan dentant mo pudì constatar la mort da l'alpinist. Uschia scriva la polizia vallesana. La Procura publica dal Vallais cumenza in'inquisiziun.

La gruppa era sin via sin il piz dal Matterhorn. L'incident è capità sur il Furggengrat.

RR novitads 10:00

Artitgels legids il pli savens