Per l’emprima giada dapi 12 onns datti damain abitaziuns vidas en Svizra. Quai ha l’Uffizi federal da statistica communitgà. L’entschatta zercladur sajan passa 71'000 abitaziuns stadas vidas – in minus da bunamain 10% cumpareglià cun la medema perioda da l’onn passà.
Raschun per questa sminuziun saja ch'ils basegns per abitar sajan sa midads, i saja vegnì construì amoda moderada e la populaziun saja creschida a moda constanta. Plinavant saja sa mussà che la populaziun svizra saja oz pronta d'abiar er ordvart dals centers. Ina retschertga explicita che mussas l'effect da Covid-19 n'ha il BFS betg fatg.
En il Grischun sajan 0,87% da las abitaziuns stadas vidas. Las bleras abitaziuns vidas haja puspè dà en il chantun da Soloturn, numnadamain passa 3%. Sulet il Tessin ha nudà dapli abitaziuns vidas, cun in plus da 0,12% sin total 2,83%.
