Sco quai ch'il concern svizzer communitgescha, surpiglia il concern dal Danemarc NKT Cables la sparta ch'è sa spezialisada sin cabels d'auta tensiun. Fin uss è ABB stà il numer in sin il martgà en questa sparta.
La fatschenta vegnia reglada aifer l’emprim quartal da l'auter onn, communitgescha ABB vinavant. Cun quai ademplescha il concern las pretaisas da plirs acziunaris gronds, sco p.ex. Cevian ed Artisan. L'ultim temp avevan quels numnadamain adina puspè fatg squitsch sin ABB da sa separar da la fatschenta. Durant radund in onn ha il concern d’electrotecnica uss examinà la vendita.
RR novitads 09:00