Il concern d'industria ABB ha survegnì in’incumbensa da 450 milliuns dollars americans da la Norvegia e da la Gronda Britannia. L'interpresa svizra duai gidar a colliar las 2 raits electricas dals pajais.
I vegnia construì il pli grond cabel d'electricitad sutterran dal mund. Quel duai colliar las costas da la Norvegia e da la Gronda Britannia.
Uschia vegnia quai ad augmentar la segirtad dal provediment d'energia. Era promovia il cabel l’integraziun da forza idraulica e da forza dal vent, ha communitgà l’ABB.
D’omaduas varts dal cabel construescha ABB las staziuns da basa necessarias.
