Pliras persunas hajan attatgà il mardi a bun'ura sin in plazzal grond policists cun stangas da fier, crappa e fieu artifizial. La polizia era sin il plaz cunquai che caots sprizzavan mirs da betun.
La polizia da la citad è sa dustada cun ballins da gumma e gas lacrimogen. Las persunas sajan silsuenter sa retratgas en in sutpassadi datiers dal Hardplatz. Là hajan 100 fin 200 persunas festivà ina party illegala. Er là saja la polizia vegnida attatgada. Admoniziuns da terminar la party n'han betg giu effect. Er in'ulteriura admoniziun n'haja betg fatg effect. Uschia haja ils policists silsuenter fatg diever da gas lacrimogen.
Arrestaziuns n'haja dà naginas. Davart donns da material na datti naginas indicaziuns uffizialas.
RR novitads 15:00