Siglir tar il cuntegn
Inhalt

Svizra A Turitg datti il pli bler paja

En la citad da Turitg èn las pajas en media per 1'200 francs pli autas ch'en la Svizra. Emploiads a Turitg gudognan en media mintga mais 7'700 francs brutto. Quai resulta da l'elevaziun da la structura da paja da l'Uffizi da statistica turitgais.

In bajetg da la citad da Turitg.
Legenda: Emploiads en las branscha da finanzas, d’infurmaziun e da communicaziun gudognan en media dapli. Keystone

Il spectrum da las pajas è grond. In quart dals emploiads gudogna sur 10'400 francs ed in quart pli pauc che 5'800 francs. La citad da Turitg impunda mintga mais en total 3,1 milliardas francs per las pajas da sias collavuraturas e ses collavuraturs.

Scolaziun ed experientscha professiunala

Academichers ed emploiads pli vegls cun bler’experientscha professiunala han ils pli auts salaris. Plinavant gudognan persunas da cader dapli ch’emploiads senza funcziun da cader.

RR novitads 12:00