Siglir tar il cuntegn
Inhalt

Svizra A la tschertga dal «Pli bel vitg da la Svizra 2017»

Bels vitgs datti blers en las quatter regiuns linguisticas da la Svizra, dentant mo in da quels po sa numnar proximamain «Il pli bel vitg da la Svizra 2017».

Legende: Video La Svizra tschertga il pli bel vitg abspielen. Laufzeit 01:21 Minuten.
Or da Telesguard dals 23.08.2017.

Tgi daventa il successur da Morcote? Quest vitg idillic al lai da Lugano porta dapi in onn il titel "Il pli bel vitg da la Svizra 2016". Tranter ils 12 finalists da quest onn èn era trais vitgs rumantschs: Falera, Tschlin e Vrin. Vus decidais la finala tgenin dals 12 vitgs vegnids selecziunads en in’emprima runda che vegn ad esser il victur 2017.

Da las 50 propostas ch’ina giuria ha preschentà la fin da matg ha il public elegì trais vitgs per mintga regiun.

Il voting

Enfin ils 24 d’avust 2017 pudais vus, independentamain da la regiun, as decider per voss favurit e tgenina vischnanca che duai alura tenor vus pudair sa numnar «Il pli bel vitg da la Svizra 2017».

Dapli maletgs ed infurmaziuns datti en ils videos.

Ils 12 candidats en la runda finala èn:

  • Aquila (TI)
  • Falera (GR)
  • Grimentz (VS)
  • Iseltwald (BE)
  • Les Diablerets (VD)
  • Les Marécottes (VS)
  • Menzberg (LU)
  • Rasa (TI)
  • Schwellbrunn (AR)
  • Sonogno (TI)
  • Tschlin (GR)
  • Vrin (GR)

Ina concurrenza naziunala

La concurrenza dad «Il pli bel vitg da la Svizra» vegn organisada da cuminanza da la «Schweizer Illustrierte», da «L’illustré», dad «il café» e dals emetturs da la SRG SSR (RSI, RTR, RTS ed SRF). Enfin ils 24 d’avust pon tuttas Svizras e Svizzers vuschar per lur candidat preferì – e gudagnar bels premis. L’onn 2015 aveva Soglio (GR) gudagnà l’occurrenza, l’onn 2016 ha Morcote (TI) fatg la cursa. Il vitg victur da quest onn 2017 vegn communitgà previsiblamain ils 8 da settember.