Ina gruppa da lavur da la conferenza dals cumandants da la polizia chantunals cusseglia d'integrar dapli dronas en la lavur da polizia. Ils noss vehichels da sgol duain be mo vegnir utilisads per documentar accidents u tschertgar persunas sparidas. Ins duai er persequitar criminals cun las dronas enstagl da cun autos e helicopters.
Las dronas vegnan adina pli popularas tar ils corps da polizia: Sco ch'i resulta d'ina enquista da la gasetta «Sonntagszeitung» fan gia 10 corps da polizia diever dals pitschen gidanters. Ed ulteriurs chantuns examineschian per il mument l'acquist da dronas.
Er auters han plaschair da las dronas
Dentant nizzegian er adina dapli criminals ils avantatgs da la nova tecnologia. Regularmain entrian dronas en il spazi d'aria da las praschuns. In tema ch'ils criminals pudessan transportar armas u material cun las dronas.
RR novitads 12:00