A la staziun principala da Turitg hai num midar disas

Dapi mesanotg vala sin ils binaris svizzers il nov urari, e quel porta cunzunt a Turitg ed en la Svizra franzosa bleras midadas.

In tren sin ina punt da viafier en la citad da Turitg.

Legenda da maletgs: La pli lunga punt da viafier da la Svizra a Turitg fa era part da la nova «Durchmesserlinie». Keystone

A la staziun principala da Turitg è da nov la segunda part da l'uschè numnada «Durchmesserlinie» en funcziun. Tgi che entra a Turitg en in tren, u mida tren en direcziun vest ed ost, parta da nov or da la staziun sutterrana. E damai ch’i n’è betg pli necessari da volver ils trens, è il temp da midar tren pli curta.

Era en la Svizra franzosa midan ils usitads temps da partenza e perruns. La raschun èn las lavurs da construcziun che cumenzan, en connex cun il project da viafier «Léman 2030» tranter Losanna e Renens.

Prova generala per il nov plan è glindesdi

La pli gronda midada d'urari tar il traffic public dapi 10 onns n'ha chaschunà fin ussa nagins problems tar la Viafiers federalas. Quai ha ditg ina pledadra da la SBB ditg a l'agentura da novitads SDA.

Schebain il nov urari vegnia dentant a funcziunar, saja pir d’eruir damaun glindesdi, cura ch'ils pendularis van sin ils trens. Per che nagin perdia il tren, saja la SBB damaun preschenta cun 350 cussegliaders supplementars sin las staziuns da viafier.

RR Novitads 06:00 / 15:00