En Svizra èn periclitadas ils proxims tschintg onns 95'000 plazzas da lavur en interpresas pitschnas e mesaunas, perquai che las interpresas n'han betg reglà lur successiun. Quai scriva l'interpresa Bisnode.
Actualmain han radund 71'000 interpresas pitschnas e mesaunas betg reglà lur successiun. Quai èn 14% da tuttas interpresas pitschnas e mesaunas en Svizra. Ellas han totalmain 320'000 plazzas da lavur. Cunquai che radund in terz da las interpresas na chattan tenor experientscha nagina successiun èn las plazzas periclitadas.