Siglir tar il cuntegn

Header

telefonins
Legenda: Il diever da l'internet cun ils telefonins ha accentuà il trend da s'infurmar via internet. Keystone
cuntegn

Svizra 93 da 100 Svizras e Svizzers nizzegian l'internet

Bunamain mintga Svizra e mintga Svizzer dovran ozendi l’internet; quai direct u indirect. Tenor ina retschertga da l’Universitad da Turitg vivan sulet 7 da 100 persunas en Svizra senza colliaziun a l'internet.

Sco quai che l’Universitad da Turitg scriva, nizzegian 88 da 100 persunas l’internet sezs e direct. 5 ulteriuras persunas dumondan insatgi auter da mirar suenter ubain empustar chaussas en l’internet.

Funtauna d'infurmaziun nummer 1

Per l’emprima giada mussa ina retschertga che l’internet è la funtauna d’infurmaziuns principala per la populaziun svizra. Il temp che las persunas nizzegian l'internet è era sa dublegià dapi il 2011; numnadamain 22 uras ad emna. Tar bun 60% dals dumandads è il consum da purschidas d'internet sa triplitgà; grazia a las pussaivladads dals telefonins mobils.

RR novitads 15:00

Il studi da la UZH

La retschertga ha fatg in team enturn Michael Latzer da l'Institut per publicistica e perscrutaziun da medias a la Universitad da Turitg; Quai en il rom dal studi comparativ a lung temp «World Internet Project» (WIP). El sa basa sin retschertgas represchentativas da l'Institut LINK tar 1'121 persunas tranter 14 ed 84 onns.

Dapli da Svizraavrir la Landingpage

Nach links scrollen Nach rechts scrollen