Siglir tar il cuntegn

Header

cuntegn

Svizra 9 pesticids vegnan scumandads per immediat

L'Uffizi federal per agricultura ha retratg las lubientschas per pesticids che cuntegnan duas substanzas fixas. Quai han fatg enconuschent las organisaziuns per l'ambient Greenpeace e WWF. La Confederaziun ha confermà questa retratga.

Nov pesticids ston ils distribuiders pigliar immediat or dals regals. Trais ulteriurs pon anc vegnir vendids per 12 mais. En tut èn 26 products pertutgads. La decisiun n'è dentant anc betg en vigur. Ils producents pon anc far recurs cunter la decisiun entaifer ils proxims 30 dis.

Privlus per il carstgaun

Chloropyrifos e Chloropyrifos-methyl èn vegnids ils onns 60 sin il martgà. Questas duas substanzas èn fin oz ils insecticids che vegnan duvrads il pli savens. Ils ultims 5 onns sajan vegnids sprizzads 10'000 fin 15'000 kilos ad onn.

Ils pesticids pon donnegiar ils tscharvès d'embrios ed uffants pitschens. Latiers sajan els fitg aggressivs per insects, utschels ed animals da l'aua.Els hajan ina sumeglianta structura sco tscherts tissis da cumbat.

Pretendì ulteriurs scumonds

Greenpeace e WWF Svizra beneventan la decisiun da scumandar questas substanzas. Els èn dentant da l'avis ch'i na dovria betg anc in onn per laschar currer ora tscherts products. Plinavant sajan anc adina auters pesticids donnegius sin il martgà. Er quels sajan da scumandar.

RR novitads 15:00

Artitgels legids il pli savens