Siglir tar il cuntegn

Svizra 7,9 milliuns francs chasti per la Swisscom

La cumissiun da concurrenza (CUMCO) chastiescha il concern da telecommunicaziun Swisscom cun 7,9 milliuns francs. La Swisscom haja malduvrà sia posiziun da monopol tar la colliaziun da rait tar la Posta ed uschia impedì la concurrenza e pretendì pretschs exagerads.

La Swisscom refusa tut las rinfatschas ed ha annunzià da trair vinavant il cas.
Legenda: La Swisscom refusa tut las rinfatschas ed ha annunzià da trair vinavant il cas. Keystone

L'examinaziun era vegnida instradada sin basa d'ina accusaziun d'in purschider da telecommunicaziun. La Swisscom refusa tut las rinfatschas ed ha annunzià da trair vinavant il cas tar il Tribunal administrativ federal.

RR novitads 08:00