Siglir tar il cuntegn
Inhalt

Svizra 7'582 persunas tschiffadas tar entrada illegala en Svizra

La guardia da cunfin ha tschiffà il fanadur 7’582 persunas che vulevan vegnir illegalmain en Svizra. Quai èn dubel uschè bleras ch’il fanadur 2015.

Ina controlla da la gaurdia da cunfin en il tren. Persunas anonimisadas.
Legenda: Il tren è il mez da transport preferì - la pli gronda part dals fugitivs vegn tschiffada en il tren. Keystone

La pli gronda part da las persunas èn arrivadas en il Tessin. Là ha la guardia da cunfin tramess enavos pli che 3'560 persunas directamain en l’Italia. La pli gronda part da las persunas rivan cun il tren, mo paucas sin via u cun l’aviun.

Tar bunamain mintga 6avla persuna n'è la naziunalitad betg enconuschenta - sco las cifras publitgadas dal Corp da la guardia da cunfin mussan. Questas persunas han pers lur palpiris - u ch'ellas han bittà u zuppà lur cartas d'identitad.

RR novitads 14:00