6 giadas dapli gudogn che budgetà

Il quint federal da l'onn passà serra cun in surpli da 2,3 milliardas francs. Budgetà era in plus da sulet 400 milliuns francs.

casa federala

Legenda da maletgs: 2,3 Milliardas francs gudogn per la cassa federala l'onn 2015. Keystone

Motiv per quai resultat èn d'ina vart expensas pli bassas, cunzunt pervì da tschains pli bass e da l'autra vart ina partizipaziun pli pitschna vid ils programs da perscrutaziun da l'UE.

Insaquantas cifras impurtantas:

  • radund 500 milliuns francs damain expensas per tschains
  • radund 300 milliuns francs pli pauc per la participaziun vid ils programs da perscrutaziun da l'UE
  • bunamain 500 milliuns francs entradas extraordinarias

Mesiras da spargn malgrà gudogn

Era sche la cassa federala ha serrà l'onn passà cun in gudogn bler pli aut che budgetà quinta il cussegl federal per ils proxims onns cun cifras cotschnas. Motiv è la pli pitschna creschientscha da l'economia. Davent dal 2017 dovri tenor il cussegl federal perquai in program da spargn.

RR novitads 16:00