Siglir tar il cuntegn
cuntegn

Svizra 58% dals Svizzers van en pensiun anticipadamain

Malgrà che las rentas en sut squitsch en Svizra van blers anticipadamain en pensiun. Quai resulta d'in studi dals cussegliaders da cassas da pensiun «Swisscanto» che la «NZZ am Sonntag» ha publitgà.

in um ed ina dunna pli passada sin in baun sper in lai
Legenda: Anc pon blers sa lubir dad ir anticipadamain en pensiun en Svizra. Keystone

Sulet 32% lavuran uschè ditg sco quai che la lescha prevesa, pia ils umens fin 65, las dunnas fin 64. Be in dieschavel lavura sur la vegliadetgna da pensiun ora.

La raschun per il trend da la pensiun anticipada saja d'ina vart ch'ils assicurads possian sa lubir quai finanzialmain, da l'autra vart vegnia ina gronda part als cunfins da la sanadad suenter 60. Il studi sa basa sin 535 cassas da pensiun e fundaziuns cun ina facultad da var 700 milliardas francs.

RR novitads 08:00