La fin da settember va normalmain a fin la stagiun da far bogn. Dals 48 cas da najada en Svizra èn 24 capitads en lais, 22 en flums e dus en bogns. Tranter las unfrendas èn 38 umens, 4 dunnas e 6 uffants, uschia bilantschescha la SLRG, la Societad svizra da salvament.
La pli gronda gruppa da ristg per accidents en l'aua èn ils umens giuvens, uschia scriva la societad. La SLRG vul ensemen cun l'assicuranza Visana procurar che las reglas da bogn èn francadas anc pli ferm en la populaziun. Ils proxims onns duain las reglas existentas vegnir remplazzadas cun ina versiun actuala.
RR novitads 15:00