455 francs pon ins spargnar cun midar l'assicuranza da basa

Cun midar la cassa da malsauns obligatorica tar ina pli bunmartgada pudessan ils Svizzers spargnar l'auter onn en media 455 francs. Il potenzial da spargn per l'entira populaziun muntass uschia a 3,8 milliardas francs, quai resulta da calculaziuns dal servetsch da cumparegliaziun moneyland.ch.

Purtret da cartas da differentas assicuranzas.

Legenda da maletgs: Midar assicuranza renda per spargnar daners. Keystone

Moneyland.ch ha calculà il potenzial da sparg per l'entira populaziun, tuttas cassas da malsauns, gruppas da vegliadetgna e tut ils chantuns e models d'assicuranza. Lur fazit è che assicurads pudessan spargnar en tut radund 3,8 milliardas francs sch'els midassan il 2018 tar ina cassa pli bunmartgada. Per persuna pudess uschia vegnir spargnà radund 455 francs.

Blers assicurads hajan plinavant ina fallada franschisa. Per creschids per exempel rendian sulet duas franschisas: quella da 300 francs sch'ins ha auts custs da sanadad u quella da 2'500 sche quels èn bass.

RR novitads 12:00